Ով է այն կամիկաձե ներդրողը,որ կգա և ներդրում կանի.որն է տնտեսական հեղափոխության ԲՀԿ-ի մոդելը




Հարցազրույց  ԲՀԿ խմբացության պատգամավոր , ԱԺ Մարդու իրավունքների պաշտպանության ևհանրային հարցերի մշտական հանձնաժողովինախագահ Նաիրա Զոհրաբյանի հետ/Մաս 2-րդ/

-ԲՀԿ-ն տարբերվում է նրանով,որ ասաց՝մենք գալիս ենք տնտեսական հեղափոխություն իրականացնելու:Հիմա խոսում են կրճատումների մասին, մոտ 10 000 մարդ կրճատվելու է ,ինչպե՞ս եք այդ հարցը մեկնաբանում,իրենք ունեն իրենց պատասխանը,ասումեն՝10 000 պարապ-սարապ մարդիկ են,շարիկ գլորողներ և պետք է գնան:Ճի՞շտ մոտեցում է սա և ի՞նչ է տալու մեզ:

-Երբ 10000 ՀՀ քաղաքացուն ասում են դե 10000 շարիկ գլորող էլ թող կրճատվի,չեմ հասկանում նման մոտեցումը:Կողմ եմ օպտիմալացմանը,եթե կա նույն աշխատանքի կրկնողությունը,այսինքն՝ նույն վայրում երկու հոգի նույն աշխատանքն են անում:Հստակ պատասխան կառավարությունից չստացանք,թե օպտիմալացման արդյունքում քանի մարդ է կրճատվելու :Ես գրավոր հարցում եմ ուղարկել  վարչապետին,հինգ օր առաջ ստացել եմ պատասխան,որտեղ նշված է ,որ խոսքը մի 200-300 մարդու մասին  է,բայց դրանից հետո մենք տեսնում ենք ֆինանսների նախարարի և փոխվարչապետի համատեղ նամակը ուղղված վարչապետին,  որտեղ խոսվում է  10 000 մասին,հետո ասում են դա պայմանական 10 000 էր,հետո էլ Իմ քայլի պատգամավորներից ասում են ձեզ թվում է,հալուցինացիա է, մեկն էլ ասում է դե մի 10 000 շարիկ գլորող էլ թող կրճատվի: Ես չեմ ուզում ,որ ՀՀ քաղաքացու մասին խոսեն որպես շարիկ գլորող :Ես  ուզում եմ,որ  այս կոնֆլիկտը ,հակադրությունը փորձենք հասկանալ,լուծել:Ի՞նչ է  նշանակում տնտեսական հեղափոխություն, նշանակում է տնտեսության աճ,գործազրկության կրճատում , աշխատատեղերի մեծացում,արտագաղթի կանխում:Եթե դրան զուգահեռ գնում ենք օպտիմալացման,1000, 2000,կամ ինչպես ասում են  10  000 շարիկ գլորող զրկվելու է աշխատանքից,իսկ ամեն մի աշխատողըը մի ընտանիք է՝երեք կամ չորս անձից բաղկացած:Ուզում եմ հասկանալ՝տնտեսական հեղափոխության մոդելը դա՞ է.եթե դա է,ապա ես այդպիսի տնտեսական հեղափոխություն չեմ պատկերացնում:Գագիկ Ծառուկյանը ԱԺ-ում շատ հստակ տվեց տնտեսական հեղափոխության մոդելը՝ մինչև երկիր չգան լուրջ ներդրողները,մինչև ներդրողը վստահ չլինի …գիտեք փողը սիրում է լռություն,փողը սիրում է կայուն տնտեսական և քաղաքական միջավայր,և այս միջավայրում,երբ որևէ ներդրող վստահ չէ,որ իր ներդրումը լինելու է երաշխավորված,նույն քաղաքապետը իր կամայական որոշումներով խոչնդոտում է Հայաստան,Երևան եկող ներդրողներին,ով է այն կամիկաձե ներդրողը,որ կգա և ներդրում կանի:Հայաստանի պետական բյուջեով մտածել,որ մենք կարող ենք իրականացնել տնտեսական հեղափոխություն, այն գաղափարը,որը դրված է կառավարության ծրագրի գաղափարում,հնարավոր չէ: Սիրում եմ Հանս Քրիստիսն Անդերսենի հեքիաթները,բայց տնտեսության ու քաղաքականության մեջ լեգենդներով և հեքիաթներով առաջնորդվել հնարավոր չէ:Ի վերջո, մենք չենք տեսնում նաև հարկային օրենսգիրքը,այն պետք է բարենպաստ ռեժիմներ սահմանի ,հատկապես փոքր և միջին տնտեսվարողների համար..

-Ով ինչ ասում էր,ասում էին բա տեղյակ էք բանանի գինը իջել է,հիմա բանանի գինը բարձրացել է:

-Այո,ես երեկ գնել եմ  1100 դրամով:Եթե բանանի գինը իջել է ,ուրեմն վաճառողները ինձ են խաբել:Այնպես որ տնտեսական հեղափոխությունը պետք  է նաև  օրենքներով ամրագրված լինի,ներդրումները ապահովագրված լինեն:Մեզ հարցնում են,ինչպես եք քվերակելու հարկային օրենսգրքին,բայց մենք պետք է տեսնենք այդ հարկային օրենսգիրքը,պետք է հասկանանք ,թե այդ հարկային օրենսգրքում ինչպիսի ռեժիմներ են սահմանված տնտեսվարողի և հատկապես երկրի տնտեսության ողնաշարը ապահովող փոքր և միջին բիզնեսի համար,բայց երեկ տեսանք ,որ փոքր և միջին բիզնեսը՝գազավորված ընպելիք արտադրողները,գրավատների աշխատողները դուրս են եկել ցույցի:Դա բերելու՞ է տնտեսական միջավայրի առողջացման,թե բերելու է …

-Ասում են նախկինում այսպես էր,այնպես էր,բայց տեսա՞նք չէ ՝Քըրքորյանը եկավ,Գաֆեսճյանը,խոշոր ներդրումներ արեցին:Մեծ ոգևորություն կար Սփյուռքում հեղափոխության օրերին,ողջունում էին:Ի՞նչ եք կարծում,ինչու չեն գալիս ներդրումներ անեն ,առայժմ օդի մեջ խոսակցություն է:

-Փողը սիրում է լռություն,կայուն,խաղաղ քաղաքական ,տնտեսական միջավայր,հարկային բարենպսատ պայմաններ,ներդրումային ճշգրիտ պայմաններ և վստահելիություն երկրի հանդեպ:Այդ ամենըւ,եթե լինի ,ներդրումները կլինեն:Եթե քաղաքապետը,իր անհեթեթ պատճառաբանություններով թույլ չի տալիս,որ քաղաքի կենտրոնում,կինո Մոսկվայի հարևանությամբ,մարդն իր ներդրումները շարունակի, ապա դուք ի՞նչ եք կարծում,այդ ներդրողները չեն տեսնում այդ միջավայրը…

-Ասում են մենք օրինականություն ենք հաստատում:

-Թող չփորձեն օրինականությունը շփոթել անտեղյակության և ոչ պրոֆեսիոնալիզմի հետ,դրանք տարբեր բաներ են:Կրկնեմ,ԲՀԿ-ն ամենաշահագրգիռ քաղաքական ուժն է,որ ուզում է,որ այս հեղափոխությունը ունենա շարունակություն:Քաղաքական հեղափոխության փուլը ավարտեցինք,ուզում ենք ունենալ իսկապես բարեկեցիկ երկիր,մենք պատրաստ ենք օգնելու,մենք պատրաստ ենք լինելու ձեր աջակիցը,եթե դուք սխալ քայլեր եք անում,մենք չենք լռելու, որովհետև մենք ունենք պատասխանատվություն ժողովրդի առջև:Վաղը ժողովուրդը մեզ ասելու է,երբ որ այս սխալ քայլը անում էին,Բարգավաճ Հայաստան,Նաիրա Զոհրաբյան, Գագիկ Ծառուկյան,Միքայել Մելքումյան,ինչու էիք լռում:Եվ դրա համար ծրագրային մի քանի շեշտադրումներ խորհրդարանում Գագիկ Ծառուկյանը ներկայացրեց:Թող հետևություններ անեն,մարդը հստակ ասաց՝եթե ես հիմա գնամ այդ գումարները ներդնեմ Հայաստանից դուրս,տասնապատիկ անգամ գերշահույթ կունենամ,լրագրողը հարցրեց,դուք դա հայրենասիրությունից եք անում,այո ,որովհետև մարդը ուզում է ներդրումներ անել մեր հայրենիքում,որտեղ ապրելու են իմ,ձեր,մեր բոլորի երեխաները:Այս պարզ բանաձևը   չհասկանալ և փորձել ենթատեքստեր տեսնել,ազնիվ չէ:

-Ես գիտեմ՝ ձեզ դիմել են մշակութային ՊՈԱԿ-ների միավորման  հարցով,մշակութային գործիչները,ինչպե՞ս եք այս հարցի լուծումը տեսնում,իրականում թափթփված,անպատրաստի գործելաոճի արդյու՞նքն է:

-Մշակույթի գոյություն ունեցող կամ կիսագոյություն ունեցող նախարարությունը,որքան հասկացանք որոշումներին նման ձևով է վերաբերվում,մեկ ասում են թուղթ,մեկ ասում են սևագիր թուղթ,դրանց տարբերությունն էլ երևի չեն հասկանում,դե մի սևագիր թուղթ է ուղարկել ենք կառավարություն:Ինձ դիմել են տարբեր մշակութային ՊՈԱԿ-ների ներկայացուցիչներ և   պատահական չէր,որ ես գրառում արեցի. ինձ համար մտավորականություն  և վախ   հասկացությունները անհամատեղելի են,երբ վախենում են ուղիղ զանգել,վայբերով կամ վոտսափով զանգում ասում են,տիկին Զոհրաբյան,մշակույթի նախարարի պաշտոնակատարը չիմնա ,որ մենք ձեզ զանգել ենք:

-Հասցրել են վախենալ Նազենի Ղարիբյանի՞ց:

-Այո,իրենք վախենում են բոլորից:Դուք թատերական ինստիտուտն եք ավարտել,հասկանում եք մշակությաին աղետը, մարդու իրավունքների հանձնաժողովը հարթակ դարձրեք ,մենք գանք քննարկենք:Ասում եմ իհարկե,սիրով,հաջորդ օրը պարզվում է ,որ միայն Կամերային երաժշտական թատրոնի տնօրեն Հռիփսիմե Առաքելյանն է պատրաստ գալ,մյուսները զանգում ասում են ,եթե գանք ,մշակույթի նախարարությունը կարող է իմանալ,որ եկել ենք:Կարո՞ղ եք թաքուն մեր թատրոնի հարցը լուծել:Ոչ սիրելիներս,ես առանձին,թաքուն ոչ մի խնդիր չեմ բարձրացնելու,  և որևէ խնդիր չեմ լուծելու:

Մամուլի ասուլիս հրավիրեցին, շատերը հայտարարեցին,որ տիկինը ընդհանրապես պատահական մարդ  է,պրոֆեսիոնալ չէ,բանից անտեղյակ մարդ է,Համազգային թատորնի տնօրենը,Նիկոլայ Ծատուրյանը,Ռուբեն Բաբայանը խոսեցին:

-Ռուբեն Բաբայանը երբեմն շատ տարբեր բաներ էլ է ասում:Իրենք չեն կարողանում իրենց միասնական դիրքորոշումը ներկայացնել:

-Մոտեցո՞ւմն էր սխալ,թե՞ այս մարդիկ են սխալ ներկայացնում:

-Երբ ես հասկանամ մոտեցումը որն է,երբ մեզ ներկայացնում են մոտեցում,որ օրինակ Կոմիտասի քառյակը պետք է միացնել Կոմիտասի թանգարանին, որովհետև երկուսի  անունն էլ Կոմիտաս է,ես առաջարկել եմ՝եկեք Կոմիտասի պանթեոնն էլ միացնենք, Կոմիտասի փողոցն էլ,և բոլոր այն մարդկանց ,ում անունը Կոմիտաս է, և եթե ինչ-որ մեկը կբացի Կոմիտասի անունով փաբ,դա էլ միացնենք,այդ ժամանակ տրամաբանության մեջ այս թնջուկը կկարգավորեք:

Ինձ համար մշակույթ կրող մարդու լեզվամտածողությությունը շատ կարևոր է:Երբ մշակույթի պատասխանատուն համազգայինի դերասանների հասցեին ասում է՝ իր ձևակերպմամբ ՝ես չգիտեմ իրանց ով ա տժժացնում իմ դեմ,երբ մշակույթի պատասխանատուն է ,կին,ով կարող է այդպիսի լեքսիկոնով խոսել մտավորականների,դերասանների մասին,ես չէի ցանկանա նման պատասխանատուի հետ որևէ հարց քննարկել,ինչի համար,ոչ թե որ ինձ համար խորթ է այդ բառապաշարը,ծանոթ չէ,այլ, որ ինձ համար պարզ է իր մտածողությունը և նրա հետ որևէ օպտիմալ հարց քննարկել և օպտիմալ լուծման գալ,ուղղակի հնարավոր չէ:

-Ինչպես ասում են ,ականջը կանչի ՀՔԾ պետի,հիշում եք ՝ինչ բառապաշար ուներ,գաղտնալսման ժամանակ մենք լսեցինք:Անցնենք մեկ այլհարցի.օրենսդրական նախաձեռնության հետ կապված ձեր կարծիքը:ԲՀԿ-ն նախագիծ է ներկայացրել,որ սահմանին պետք է լինեն  միմիայն պայմանագրային զինծառայողները,իսկ զինվորները կարող են լինել միայն մեկ տարի ծառայելուց հետո :

-Սա շատ կարևոր խնդիր է,որովհետև մենք շատ ենք լինում առաջնագծում, ուղղակի անթույլատրելի է  18 տարին լրացած ,անպատրաստ երեխային տանել  և կանգնեցնել առաջնագծում:

Մեր նախաձեռնությունն է,մեր գործընկերների՝ Վահե Էնֆիաջյանի,Միքայել Մելքումյանի,Գևորգ Պետրոսյանի ,Էդուարդ Բաբայանի, որ գոնե 1 տարի իրենք պետք է փորձառություն անցնեն,կարողանան  առաջնագծի կանոններին ծանոթանալ,առաջնագծից դուրս վարժվել:

Անթույլատրելի է,երբ 100-150 մետր այն կողմ ադրբեջանական դիրքերն են,ու այս կողմում  մեր 18 տարեկան զինվորներն են:

Դուք կտաք մի շատ տրամաբանական հարց.պատրաստ է արդյո՞ք պայմանագրային զինծառայողը 120-130 հազար դրամ աշխավարձով կանգնել առաձնագծում:Սա խնդիր է և այս խնդիրը քննարկելու նպատակով մեկ այլ նախարարի ՝պաշտապանության նախարարին ենք հրավիրել մեր խմբակցություն,որ քննարկենք խնդիրը:

Պայմնագրային զինծառայողների աշխատավարձերը պետք է բարձրանա:

-Դուք ճիշտ եք,բայց հարցն այն է,որ բյուջեում փող չկա,եթե բյուջեում փող լիներ, այս կրճատումներին չէին գնա,հո՞  իրենք իրենց թշնամին չէին,որ ժողովուրդը դուրս գա իրենց դեմ:

-Սա ազգային անվտանգության խնդիր է,եթե հիշում եք  ժամանակին  Հայասստանում ծովագնացության զարգացման համար մեր բյուջեից 350 միլոն դրամ էին նախատեսել …

Մնում էր ծովը գտնեինք…

-Այո,մնում էր ծովը գտնեինք,ծովը չգտանք ,կարելի է գտնել տեղեր,որտեղից կարելի է հատկացնել:Սա ազգային անվտանգության ,մեր զինվորների կյանքի խնդիրն է:

Ես կհորդորեմ մեր բոլոր քաղաքական ուժերին,  խորհրդարանական մեր գործընկերներին, աջակցեն ԲՀԿ նախաձեռնությանը:

-Երկրորդ նախաձեռնությունը՝ զոհած դատապարտվածների հետ կապված ,մի նախաձեռնությամբ հանդես եկաք,որ հ/կ-ների մի մասը կիսեցին ձեր կարծիքը ,մյուս մասը ոչ:Նախաձեռնությունը այսպիսին էր,որ տուժողի իրավահաջորդների կարծիքը պետք է լսել ներման հետ կապված:Ի՞նչ եք կարծում ,սա ընդունելի՞ է:

-Դա իմ անձնական նախաձեռնությունն է,որը դեռ քննարկվում է,կարծում եմ Բարգավաճ Հայաստանի իմ գործընկերները կմիանան:

Հիմա մենք քննարկում ենք նաև մի քանի իրավապաշտպան կազմակերպություների հետ,այս նախաձեռնությունը եկել է նաև տուժողներից:

Վերջին ժամանակ 132 հոգի դիմել էինր ներում ստանալու համար, որոնցից ընդամենը 2-ը ներվեցին:

Ցմահների դեպքում ,կան երկրներ ,երբ նրանք դիմում են ներման համար, տուժողի իրավահաջորդների կարծիքը անպայման հարցնում են;Ինձ ասում են,որ դեպքում տուժողի իրավահաջորդներից կողմ  կլինի,ես օրինակ բերեմ…

Պարույր Հարիկյանը,ճիշտ է ցմահ չէր…

-Ես երկու դեպք ունեմ հիմա,որ տուժողի իրավահաջորդները տվել էին գրավոր համաձայնություն,որ եթե ներեն,իրենք դեմ չեն լինի:Մարդը ներման իրավունք ունի,եթե ապաշխարհել է ,նաև պետք է հարազատների կարծիքը իմանանք :

-Մհեր Ենքոյանի գործը աչքի առաջ է:Իրավահաջորդները կատեգորիկ դեմ են և չեն ընդունում :

-Ես չէի ցանկանում իր անունը տալ,չնայած  ինքը նամակով կրկին դեմել էր ինձ,անգամ նամակի բովադակության  մասին չեմ ուզում խոսել,եթե չլիներ այս գործի հետ կապված արտահոսքը ,ես վստահ կարող եմ ասել,որ ներումների թիվը շատ ավելին կլիներ: Կցանկանամ մեկ այլ խնդրի անդրադառնալ,որպես երկու լրագրողների…

-ԵԱՀԿ/ԺՀՄԻԳ-ի մասին է խոսքը՝դուք էիք,Արփինե Հովհաննիսյանը և Լենա Նազարյանը…Որոշ կին թեկնածուներ իրենց սեռով պայմանավորված դարձել եննաև ստորացնող հռետորաբանության թիրախ՝ ահազանգում էր  ԵԱՀԿ/ԺՀՄԻԳըԱԺ արտահերթ ընտրությունների վերաբերյալ հրապարակած վերջնականզեկույցում։Կար մի շրջան,որ թիրախում դուք էի,հայտկապես քաղաքապետիընտրություններից առաջհետո դա սրվեց խորհրդարանական ընտրություններիժամանակ ՝Արփինե Հովյհաննիսյանը և Լենա Նազարյանը:Հիմա լավ  է,որուշադրություն են դարձրել:

-Ես շատ կարևորում եմ,որ ԵԱՀԿ/ԺՀՄԻԳ-ը,դիտարկելով ընտրությունները, արձանագրեց,որ երեք բարձրաստիճան կանայք՝ Արփինե Հովհաննիսյանը ,Լենա Նազարյանը և Նաիրա Զոհրաբյանը, շատ կեղտոտ և ագրեսիվ հակաքարոզչության զոհ դարձան:Շատ կարևոր է երկրորդ դիտարկումը ԵԱՀԿ/ԺՀՄԻԳ-ի  ,որ պետք է հավասար պայմաններում լինեն լրատվամիջոցները:Տարբեր պադվալներում բացվում են տարատեսակ կայքեր ,որոնց ոչ սեփականատիրոջը կարող ես գտնել,ոչ  հասցե ,ոչ հեռախոսահամար ունեն ,ինչ-որ խնդիր լուծելու համար,շանտաժով սրանից նրանից գումար շորթելու համար բացում են,ու հետո փակում:

Ողջունում եմ,որ ԵԱՀԿ/ԺՀՄԻԳ-ը առաջարկում է,որ օրենքում փոփոխություն կայացվի ,կարծեմ դուք էլ խմբագիրներով քննարկել եք,ես ասում եմ,որ ես էլ պատրաստ եմ, դառնալ այդ հարթակը կարևորագույն հարցը քննարկելու համար,որ հստակ լրատվամիջոցը ֆիքսի իր հասցեն,և ով է պատասխանատու:Եթե մի անհասցե կայքում գրվում է զրպարտանք,և դու ուզում ես օգտվելով  ԶԼՄ-ի օրենքից ,  ուզում ես հերքում պահանջել ,չես գտնում ոչ այդ կայքի տիրոջը,ոչ հեռախոսահամար,ոչ հասցեն:

եկ այլ վտանգավոր բան էլ կա.սոցցանցերում կոնկրետ աշխատողներ ենպահում երեկվա,այսօրվա իշխանությունները,ես մի անգամ մի առիթովասացի,դրանք ձեր բանդաներն են,որովհետև թիրախավորված սրան –նրան 30-40 հոգով հարձակման են ենթարկում:

-Դա լրջագույն պրոբլեմ է,ԵԽԽՎ հունվարյան նստաշրջանում քննարկեց նաև այդ հարցը,սոցիալական մեդիայում խոսքի ատելության հարցը…

Այս պահին իրավական որևէ լծակ դա կարգավորելու չկա,որովհետև դրանք հիմնականում արվում են ֆեյքերի միջոցով,իսկ դրանք հիմնականում անորսալի ջոներ են,ձեր ասած բանդաներն են,եթե մենք փորձենք շատ խիստ կարգավորումներ ճանապարհով գնալ,անմիջապես պատգամավորները մեղադրվելու են,որ փորձում են ճնշել խոսքի ազատությունը:

-Քննադատությունը այլ բան է,հայհոյանքն ու վիրավորանքը՝այլ:

-Եթե փորձում են դա բերել իրավական ,օրինական դաշտ ,անմիջապես մեղադրվում են խոսքի ազատությունը ճնշելու մեջ:

-Քանի որ դուք մարդու իրավունքների հանձնաժողովն եք ղեկավարում, շատ է խոսվում հեղափոխությունից հետ,որ իշխանությունների կողմից  անմեղության կանխավարկածը անընդհատ խախտվում է:

Անմիջապես հռչակում են հանցագործ ,հետո ասում են հանրությունն է իրեն նշանակել և աշխատում այդ ուղղությամբ:Համաձա՞յն եք դրա հետ և ի՞նչ եք պատրաստվում անեւ:

Շատ են ասում ,որ հեղափոխականները ամեն ինչով տարբերվում են,մենք հանկարծ Դավիթ Սանասարյանի ղեկավարած կառույցում հայտնաբերվում է,որ   շանտաժով ,սպառնալիքով հարցեր են լուծել:Այսինքն՝ մոտավորապես այն,ինչ կատարվում էր նախկին իշխանությունների ժամանակ :

-Ես դեմ եմ կուռքեր ստեղծելուն,ասելու ,որ մենք բոլորս բացարձակ ամբասիր ենք,ես միշտ ասել եմ՝ես դեմ եմ սևի և սպիտակի բաժանմանը,որովհետև կարող եմ հիշեցնել նույն Փաշինյանի խոսքը ԱԺ ամբիոնից,երբ ասաց,որ ես մարդկային մեծ ողբերգություն ապերցի,երբ տեսա,որ հենց ինձ հետ քայլած,իմ թիմակիցներից շատերը,ում անկաշառությանը,ազնվությանը միանշանակ վստահ էի,իմ աչքի առաջ փլուզվեցին:

Դրանից ավելին,քան ինքն ասաց,ես ավելացնելու բան չունեմ:

Այնպես որ, մի փորձեք մարդկանց բաժանելի սևի և սպիտակի և փորձեք ասել,որ մարդը եթե ընդհանրապես կենսագրություն չունի,ինքը ունակ չէ լինել կոռուպցիոներ,կենասագրություն չունենալը դեռ չի նշանակում լինել անբասիր:

Անմեղության կանխավարկածի հետ կապված ասեմ,որ անընդհատ քննարկում եք այդ անցումային արդարադատության մոդելը,որ հանրությունը ինչ-որ մեկին հռչակում է հանցագործ,ես դեմ եմ այդ ագոռաներին,գիտենք ինչով ավարտվեց հանրությանը  տալու դատելու իրավունքը և կամ այդ  վեչեների ինստիտուտները ինձ համար ընդունելի չեն:Մեր երկրում պետք է գործեն բացառապես օրենքները և օրինականությունը:

Հրապարակային արդարադատությանը ես չեմ հավատում,համաշխարհային պատմությունը ցույց է տվել, որ ագոռաների և վեչեների ավարտը տխուր է լինում:

Առաջին մասն ՝այստեղ

Հարցազրույցը՝Նաիրա Բաղդասարյանի